Tuesday, 5 October 2021

ಕಾಶ್ಮೀರದಲ್ಲಿ ಉಗ್ರರ ಅಟ್ಟಹಾಸ : ಮೂವರು ನಾಗರಿಕರ ಹತ್ಯೆ

ಕಾಶ್ಮೀರದಲ್ಲಿ ಉಗ್ರರ ಅಟ್ಟಹಾಸ :  
ಮೂವರು ನಾಗರಿಕರ ಹತ್ಯೆ

ಶ್ರೀನಗರ : ಜಮ್ಮು ಮತ್ತು ಕಾಶ್ಮೀರದಲ್ಲಿ ಮಂಗಳವಾರ ನಡೆದ ಪ್ರತ್ಯೇಕ ಭಯೋತ್ಪಾದಕ ಘಟನೆಗಳಲ್ಲಿ ಮೂವರು ನಾಗರಿಕರನ್ನು ಗುಂಡಿಕ್ಕಿ ಕೊಲ್ಲಲಾಗಿದೆ. ಬ್ಯಾಕ್ ಟು ಬ್ಯಾಕ್ ದಾಳಿಗಳಲ್ಲಿ, ಫಾರ್ಮಸಿ ಮಾಲೀಕರು, ಬೀದಿ ವ್ಯಾಪಾರಿ ಮತ್ತು ಇನ್ನೊಬ್ಬ ನಾಗರಿಕನನ್ನು ಜಮ್ಮು ಮತ್ತು ಕಾಶ್ಮೀರದಲ್ಲಿ ಭಯೋತ್ಪಾದಕರು ಗುಂಡಿಕ್ಕಿ ಕೊಂದಿದ್ದಾರೆ.

ಉದ್ಯಮಿ ಮಖನ್​​​​ ಲಾಲ್ ಬಿನ್ದ್ರೋ ಔಷಧಾಲಯದಲ್ಲಿ ಕೆಲಸ ಮಾಡ್ತಿದ್ದ ಸಂದರ್ಭದಲ್ಲಿ ದುಷ್ಕರ್ಮಿಗಳು ಗುಂಡಿನ ದಾಳಿ ನಡೆಸಿದ್ದು, ಆತ ಸಾವನ್ನಪ್ಪಿದ್ದಾನೆ. ಮತ್ತೊಂದು ದಾಳಿಯಲ್ಲಿ ಬೀದಿ ಬದಿ ವ್ಯಾಪಾರಿ ಮೇಲೆ ಉಗ್ರರು ಗುಂಡಿನ ದಾಳಿ ನಡೆಸಿ ಹತ್ಯೆ ಮಾಡಿದ್ದಾರೆ. ಅವರು ಮೃತರನ್ನು ವಿರೇಂದ್ರ ಪಾಸ್ವಾನ್ ಎಂದು ಗುರುತಿಸಲಾಗಿದ್ದು, ಅವರು ಬಿಹಾರದ ಭಾಗಲ್ಪುರದ ನಿವಾಸಿಯಾಗಿದ್ದರು. ಅವರು ಪ್ರಸ್ತುತ ಆಲಂಗಾರಿ ಬಜಾರ್ ಜಡಿಬಲ್ ನಲ್ಲಿ ವಾಸಿಸುತ್ತಿದ್ದರು.ಶ್ರೀನಗರದ ಹೊರವಲಯದ ಹವಾಲ್​​ ಮದಿನ್ ಸಾಹಿಬ್​​ ಬಳಿ ಈ ಘಟನೆ ನಡೆದಿದೆ ಎಂಧು ಐಜಿಪಿ ವಿಜಯ್ ಕುಮಾರ್ ತಿಳಿಸಿದ್ದಾರೆ.

ದಿನದ ಮೂರನೇ ಭಯೋತ್ಪಾದಕ ದಾಳಿಯಲ್ಲಿ, ಉತ್ತರ ಕಾಶ್ಮೀರದ ಬಂಡಿಪೋರಾ ಜಿಲ್ಲೆಯಲ್ಲಿ ಇನ್ನೊಬ್ಬ ನಾಗರಿಕನನ್ನು ಭಯೋತ್ಪಾದಕರು ಗುಂಡಿಕ್ಕಿ ಕೊಂದರು. ನೈದ್ ಖೈ ನಿವಾಸಿ ಮೊಹದ್ ಶಫಿ ಲೋನ್ ಅವರನ್ನು ಬಂಡಿಪುರದ ಶಹಗುಂಡ್ ಪ್ರದೇಶದಲ್ಲಿ ಭಯೋತ್ಪಾದಕರು ಕೊಂದಿದ್ದಾರೆ.

ಜಮ್ಮು ಮತ್ತು ಕಾಶ್ಮೀರ ಲೆಫ್ಟಿನೆಂಟ್ ಗವರ್ನರ್ ಮನೋಜ್ ಸಿನ್ಹಾ ಅವರು ದಾಳಿಯನ್ನು ಖಂಡಿಸಿದ್ದು, 'ಭಯೋತ್ಪಾದಕರು ಶ್ರೀ ವಿರೇಂದ್ರ ಪಾಸ್ವಾನ್ ಮತ್ತು ಶ್ರೀ ಮೊಹದ್ ಶಫಿ ಲೋನ್ ಅವರನ್ನು ಕೊಂದಿದ್ದನ್ನು ನಾನು ಬಲವಾಗಿ ಖಂಡುತ್ತೇನೆ. ಮುಗ್ಧ ಜನರನ್ನು ಕೊಲ್ಲುವ ಅನಾಗರಿಕ ಕೃತ್ಯವು ಮಾನವೀಯತೆಗೆ ವಿರುದ್ಧವಾಗಿದೆ.

'ಭಯೋತ್ಪಾದಕರು ತಮ್ಮ ದುಷ್ಕೃತ್ಯಗಳಲ್ಲಿ ಎಂದಿಗೂ ಯಶಸ್ವಿಯಾಗುವುದಿಲ್ಲ, ಮತ್ತು ಅಂತಹ ಘೋರ ಕೃತ್ಯಗಳಿಗೆ ಕಾರಣರಾದವರನ್ನು ನ್ಯಾಯದ ಮುಂದೆ ತರಬೇಕು. ಈ ದುಃಖದ ಸಮಯದಲ್ಲಿ ದುಃಖಿತ ಕುಟುಂಬಗಳಿಗೆ ನನ್ನ ಸಂತಾಪಗಳು,' ಎಂದು ಎಲ್-ಜಿ ಮನೋಜ್ ಸಿನ್ಹಾ ಹೇಳಿದರು.






SHARE THIS

Author:

0 التعليقات: