Thursday, 30 September 2021

ಪ್ರಮುಖ ನೇಮಕಾತಿ ಹಿಂಪಡೆಯಲು ಸಿಎಂ ಚನ್ನಿ ಒಪ್ಪಿಗೆ:ಅಧ್ಯಕ್ಷರಾಗಿ ನವಜೋತ್ ಸಿಧು ಮುಂದುವರಿಯುವ ಸಾಧ್ಯತೆ

 ಪ್ರಮುಖ ನೇಮಕಾತಿ ಹಿಂಪಡೆಯಲು ಸಿಎಂ ಚನ್ನಿ ಒಪ್ಪಿಗೆ:ಅಧ್ಯಕ್ಷರಾಗಿ ನವಜೋತ್ ಸಿಧು ಮುಂದುವರಿಯುವ ಸಾಧ್ಯತೆ

ಹೊಸದಿಲ್ಲಿ: ನವಜೋತ್ ಸಿಂಗ್ ಸಿಧು ಸದ್ಯಕ್ಕೆ ಪಂಜಾಬ್ ಕಾಂಗ್ರೆಸ್ ಮುಖ್ಯಸ್ಥರಾಗಿ ಮುಂದುವರಿಯಬಹುದು ಎಂದು ಮೂಲಗಳು ತಿಳಿಸಿದ್ದು, ಮುಖ್ಯಮಂತ್ರಿ ಚರಣಜೀತ್ ಸಿಂಗ್ ಚನ್ನಿ  ಅವರು ಗುರುವಾರ ಸಿಧು ಅವರೊಂದಿಗೆ ನಡೆಸಿರುವ ಸಭೆಯಲ್ಲಿ ಪ್ರಮುಖ ನೇಮಕಾತಿಯನ್ನು ಹಿಂತೆಗೆದುಕೊಳ್ಳಲು ಒಪ್ಪಿಕೊಂಡಿದ್ದಾರೆ ಎಂದು ವರದಿಯಾಗಿದೆ.

ಸಿಧು ಮಂಗಳವಾರ ದಿಢೀರನೇ ಅಧ್ಯಕ್ಷ ಸ್ಥಾನಕ್ಕೆ ರಾಜೀನಾಮೆ ನೀಡಿದ ಬಳಿಕ ಮೊದಲ ಬಾರಿ ಸಿಧು-ಚನ್ನಿ ಭೇಟಿ ನಡೆದಿದೆ.

ಕೆಲವು ಸಚಿವರು, ಪೊಲೀಸ್ ಮುಖ್ಯಸ್ಥರು ಹಾಗೂ  ಅಟಾರ್ನಿ ಜನರಲ್ ಸೇರಿದಂತೆ ಪ್ರಮುಖ ನೇಮಕಾತಿಗಳ ಬಗ್ಗೆ  ಸಿಧು ಅಸಮಾಧಾನಗೊಂಡಿದ್ದರು ಎನ್ನಲಾಗಿದೆ. ಚನ್ನಿ ತಾನು ಅಂಟಿಕೊಂಡಿರುವ ಕೆಲವು ಅಂಶಗಳಲ್ಲಿ ಒಂದನ್ನು ಸಡಿಲಿಸುವ ಸಾಧ್ಯತೆ ಇದೆ. ಚನ್ನಿ ಅವರು ಇಕ್ಬಾಲ್ ಪ್ರೀತ್ ಸಿಂಗ್ ಸಹೋತಾ ಅವರನ್ನು ಪಂಜಾಬ್ ಪೊಲೀಸ್ ಮುಖ್ಯಸ್ಥ  ಹುದ್ದೆಯಿಂದ  ಕೈಬಿಡಬಹುದು. ಸಹೋತಾ ಅವರು ವಿವಾದಾತ್ಮಕ ಆಯ್ಕೆಯಾಗಿದ್ದರು. ಏಕೆಂದರೆ ಅವರು 2015 ರಲ್ಲಿ ಅಕಾಲಿ ಸರಕಾರದಿಂದ ರಚಿಸಲ್ಪಟ್ಟ ವಿಶೇಷ ತನಿಖಾ ತಂಡದ ಮುಖ್ಯಸ್ಥರಾಗಿದ್ದರು ಹಾಗೂ  ಗುರು ಗ್ರಂಥ ಸಾಹಿಬ್‌ ಅನ್ನು ಅವಹೇಳನ ಮಾಡಿದವರ ವಿರುದ್ಧ ಪ್ರತಿಭಟಿಸಿದವರ ಮೇಲೆ ಗುಂಡಿನ ದಾಳಿ ಅಥವಾ ಪೊಲೀಸ್ ಗುಂಡಿನ ದಾಳಿಯನ್ನು ತನಿಖೆ ಮಾಡಿದ್ದರು.


SHARE THIS

Author:

0 التعليقات: