Sunday, 18 July 2021

ವೀರಮಂಗಲ: ರೈಲು ಸಂಚರಿಸುತ್ತಿದ್ದ ವೇಳೆ ಹಳಿಗೆ ದರೆ ಕುಸಿತ: ಸಂಚಾರ ಸ್ಥಗಿತ


 ವೀರಮಂಗಲ: ರೈಲು ಸಂಚರಿಸುತ್ತಿದ್ದ ವೇಳೆ ಹಳಿಗೆ ದರೆ ಕುಸಿತ: ಸಂಚಾರ ಸ್ಥಗಿತ

ಪುತ್ತೂರು: ರೈಲು ಸಂಚರಿಸುತ್ತಿದ್ದಂತೆಯೇ ದರೆ ಕುಸಿದು ಮಣ್ಣು ಹಳಿ ಮೇಲೆ ಬಿದ್ದ ಘಟನೆ ಪುತ್ತೂರು-ಕಬಕ-ಸುಬ್ರಹ್ಮಣ್ಯ ರೈಲ್ವೆ ಹಳಿಯ ನಡುವೆ ವೀರಮಂಗಲ ಎಂಬಲ್ಲಿ ಇಂದು ಬೆಳಗ್ಗೆ ನಡೆದಿರುವುದು ವರದಿಯಾಗಿದೆ.

ಪ್ರಯಾಣಿಕರ ಲೋಕಲ್ ರೈಲು ಈ ಹಳಿಯಲ್ಲಿ ಸಂಚರಿಸುತ್ತಿದ್ದ ವೇಳೆ ವೀರಮಂಗಲ ಗಡಿಪಿಲಿ ಎಂಬಲ್ಲಿ ಏಕಾಏಕಿ ಪಕ್ಕದ ದರೆ ಕುಸಿದಿದೆ. ಇದರಿಂದ ಮಣ್ಣು ರೈಲಿನ ಮುಂಭಾಗಕ್ಕೆ ಬಿದ್ದಿದ್ದು, ರೈಲಿನ ಗಾರ್ಡ್ ಗೆ ಹಾನಿಯಾಗಿದೆ ಎಂದು ತಿಳಿದುಬಂದಿದೆ.

ಈ ಹಿನ್ನೆಲೆಯಲ್ಲಿ ರೈಲು ಸಂಚಾರ ಸ್ಥಗಿತಗೊಂಡಿದೆ. ಸ್ಥಳಕ್ಕೆ ರೈಲ್ವೆ ಅಧಿಕಾರಿಗಳು ಆಗಮಿಸಿದ್ದು, ಮಣ್ಣು ತೆರವು ಕಾರ್ಯಾಚರಣೆ ಆರಂಭಿಸಿದ್ದಾರೆ ಎಂದು ತಿಳಿದುಬಂದಿದೆ.


SHARE THIS

Author:

0 التعليقات: