Monday, 10 May 2021

ಮನೆಗಳಲ್ಲೇ ಸರಳ ಈದ್ ಆಚರಿಸಿ: ಖಾಝಿ ಝೈನುಲ್ ಉಲಮ ಮಾಣಿ ಉಸ್ತಾದ್ ಕರೆ


 ಮನೆಗಳಲ್ಲೇ ಸರಳ ಈದ್ ಆಚರಿಸಿ: ಖಾಝಿ ಝೈನುಲ್ ಉಲಮ ಮಾಣಿ ಉಸ್ತಾದ್ ಕರೆ

ಮಂಗಳೂರು : ಕೋವಿಡ್-ಲಾಕ್‌ಡೌನ್ ಮಧ್ಯೆ ಮುಸ್ಲಿಮರು ಈ ಬಾರಿಯ ಈದುಲ್ ಫಿತ್ರ್ ಹಬ್ಬವನ್ನು ಕಳೆದ ವರ್ಷದಂತೆಯೇ ಮನೆಗಳಲ್ಲೇ ಸರಳವಾಗಿ ಆಚರಿಸಬೇಕೆಂದು ಉಡುಪಿ, ಚಿಕ್ಕಮಗಳೂರು, ಹಾಸನ, ಶಿವಮೊಗ್ಗ ಸಂಯುಕ್ತ ಜಮಾತ್ ಹಾಗೂ ದ.ಕ. ವಿವಿಧ ಮೊಹಲ್ಲಾಗಳ ಖಾಝಿ ಝೈನುಲ್ ಉಲಮ ಎಂ. ಅಬ್ದುಲ್ ಹಮೀದ್ ಉಸ್ತಾದ್ ಮಾಣಿ ಕರೆ ನೀಡಿದ್ದಾರೆ.

ಫಿತ್ರ್ ಝಕಾತ್ (ಧಾನ್ಯ ದಾನ)ನ್ನು ಈದ್  ಮುಂಜಾನೆಯೆ ಅರ್ಹರಿಗೆ ಸಂದಾಯ ಮಾಡಿ, ಮನೆಗಳಲ್ಲೆ ಸರಳವಾಗಿ ಈದ್ ನಮಾಝ್ ನಿರ್ವಹಿಸಿ ಈದ್ ಹಬ್ಬ ಆಚರಿಸುವ ಮೂಲಕ ಕೊರೋನ ವಿರುದ್ಧದ ಜಾಗೃತಿಯಲ್ಲಿ ಎಲ್ಲರೂ ಕೈ ಜೋಡಿಸಬೇಕು‌. ಈದ್ ನ ಭಾಗವಾಗಿ ಕುಟುಂಬಸ್ಥರ ಮನೆಗೆ ಪರಸ್ಪರ ಭೇಟಿಯಾಗದೇ ಈ ವರ್ಷ ಸಂಪರ್ಕ ಮಾಧ್ಯಮಗಳ ಮೂಲಕ ಕುಟುಂಬಿಕರನ್ನು ಸಂಪರ್ಕಿಸಲು ಖಾಝಿ ಪ್ರಕಟನೆಯಲ್ಲಿ ಸಲಹೆ ನೀಡಿದ್ದಾರೆ.

ದುಂದುವೆಚ್ಚ, ಅಪವ್ಯಯ ಮಾಡದೇ ಸಂಕಷ್ಟದಲ್ಲಿರುವ ಸರ್ವಧರ್ಮಿಯರಿಗೂ ನೆರವಾಗುವ ಮೂಲಕ ಈ ಬಾರಿಯ ಈದ್ ನ್ನು ಇನ್ನಷ್ಟು ಅರ್ಥಪೂರ್ಣಗೊಳಿಸಬೇಕು. ಕೋವಿಡ್ ವಿರುದ್ಧದ ಎಲ್ಲ ಮುನ್ನೆಚ್ಚರಿಕಾ ಕ್ರಮಗಳನ್ನು ಕಟ್ಟುನಿಟ್ಟಾಗಿ ಪಾಲಿಸುವ ಮೂಲಕ ಮೇ 24ರ ನಂತರ ಲಾಕ್‌ಡೌನ್ ಮುಂದುವರಿಯದಂತೆ ನೋಡಿಕೊಳ್ಳುವ ಜವಾಬ್ದಾರಿ ಎಲ್ಲರ ಮೇಲಿದೆ ಎಂದು ಅವರು ಪ್ರಕಟನೆಯಲ್ಲಿ ತಿಳಿಸಿದ್ದಾರೆ.


SHARE THIS

Author:

0 التعليقات: