Thursday, 29 April 2021

ಬೆಂಕಿ ಹೊತ್ತಿ ಉರಿಯುತ್ತಿದೆ, ಬಿಜೆಪಿಗರೇ ಎಲ್ಲಿದ್ದೀರಾ?: ದಿಲ್ಲಿ ಆರೆಸ್ಸೆಸ್‌ ಮುಖಂಡನ ಟ್ವಿಟರ್‌ ಪೋಸ್ಟ್‌


 ಬೆಂಕಿ ಹೊತ್ತಿ ಉರಿಯುತ್ತಿದೆ, ಬಿಜೆಪಿಗರೇ ಎಲ್ಲಿದ್ದೀರಾ?: ದಿಲ್ಲಿ ಆರೆಸ್ಸೆಸ್‌ ಮುಖಂಡನ ಟ್ವಿಟರ್‌ ಪೋಸ್ಟ್‌

ಹೊಸದಿಲ್ಲಿ: ರಾಷ್ಟ್ರೀಯ ಸ್ವಯಂಸೇವಕ ಸಂಘದ ದಿಲ್ಲಿ ರಾಜ್ಯ ಕಾರ್ಯನಿರ್ವಾಹಕ ಸದಸ್ಯ ರಾಜೀವ್‌ ತುಲಿ ಎಂಬವರು ಟ್ವಿಟರ್‌ ನಲ್ಲಿ ಬಿಜೆಪಿಗರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ. ರಾಜಧಾನಿಯಲ್ಲಿ ಕೋವಿಡ್‌ ಪರಿಸ್ಥಿತಿಯು ಮಿತಿ ಮೀರುತ್ತಿರುವ ಸಂದರ್ಭದಲ್ಲಿ ಬಿಜೆಪಿಗರು ಸಾರ್ವಜನಿಕವಾಗಿ ಕಾಣಿಸಿಕೊಳ್ಳುತ್ತಿಲ್ಲವೇಕೆ? ಎಂದು ಟಾವರು ಟ್ವಿಟರ್‌ ನಲ್ಲಿ ಪ್ರಶ್ನಿಸಿದ್ದಾಗಿ indianexpress.com ವರದಿ ಮಾಡಿದೆ.

ಹಿಂದಿಯಲ್ಲಿ ಟ್ವೀಟ್‌ ಮಾಡಿದ ಅವರು, "ದಿಲ್ಲಿಯ ಎಲ್ಲಾ ಸ್ಥಳಗಳಲ್ಲೂ ಬೆಂಕಿ ಹೊತ್ತಿ ಉರಿಯುತ್ತಿದೆ. ದಿಲ್ಲಿವಾಲಾ ಯಾರಾದರೂ ಬಿಜೆಪಿಗರನ್ನು ನೋಡಿದ್ದೀರಾ? ಅಥವಾ ಬಿಜೆಪಿಯ ರಾಜ್ಯ ಸಮಿತಿಯನ್ನು ಬರ್ಕಾಸ್ತುಗೊಳಿಸಿದ್ದಾರಾ? ಎಂದು ರಾಜೀವ್‌ ತುಲಿ ಬರೆದಿದ್ದಾರೆ. ರಾಜೀವ್‌ ಆರೆಸ್ಸೆಸ್‌ ನ ಮಾಜಿ ಪ್ರಾಂತ್‌ ಪ್ರಚಾರ್‌ ಪ್ರಮುಖ್‌ ಆಗಿದ್ದರು. ಈ ಕುರಿತು ಮಾತನಾಡಲು ರಾಜೀವ್‌ ರನ್ನು ಮಾಧ್ಯಮ ತಂಡವು ಸಂಪರ್ಕಿಸಿದಾಗ ಅವರು ಪ್ರತಿಕ್ರಿಯೆ ನೀಡಲಿಲ್ಲ ಎಂದು ವರದಿ ತಿಳಿಸಿದೆ.

ಈ ಕುರಿತು ದಿಲ್ಲಿ ಬಿಜೆಪಿ ಅಧ್ಯಕ್ಷ ಆದೇಶ್‌ ಗುಪ್ತಾರನ್ನು ಸಂಪರ್ಕಿಸಿದಾಗ, ನನಗೆ ರಾಜೀವ್‌ ತುಲಿ ಯಾರೆಂದು ತಿಳಿದಿಲ್ಲ. ಅವರ ಟ್ವೀಟ್‌ ಬಗ್ಗೆಯೂ ಗೊತ್ತಿಲ್ಲ ಎಂದು ಪ್ರತಿಕ್ರಿಯೆ ನೀಡಿದರೆ, ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಹರ್ಶ್‌ ಮಲ್ಹೋತ್ರಾ, "ಎಪ್ರಿಲ್‌ 21ರಿಂದ ೨೪ ಗಂಟೆಯೂ ನಮ್ಮ ಸಹಾಯವಾಣಿ ಚಾಲ್ತಿಯಲ್ಲಿದೆ. ಆಹಾರ ಸಾಮಗ್ರಿಗಳ ವ್ಯವಸ್ಥೆ ಸೇರಿದಂತೆ ರೋಗಿಗಳಿಗೆ ಹಲವು ವಿಧಾನಗಳಲ್ಲಿ ನೆರವಾಗುತ್ತಿದ್ದೇವೆ" ಎಂದು ಅವರು ಹೇಳಿದ್ದಾಗಿ ವರದಿ ತಿಳಿಸಿದೆ.


SHARE THIS

Author:

0 التعليقات: