Thursday, 29 April 2021

ದಿಲ್ಲಿ: ಆಕ್ಸಿಜನ್‌ ಇಲ್ಲದೇ ಪರದಾಡುತ್ತಿರುವವರಿಗೆ ನೆರವಾಗುತ್ತಿರುವ ಶಾಹೀನ್‌ ಭಾಗ್‌ ನ ವಸೀಮ್‌ ಗ್ಯಾಸ್‌


 ದಿಲ್ಲಿ: ಆಕ್ಸಿಜನ್‌ ಇಲ್ಲದೇ ಪರದಾಡುತ್ತಿರುವವರಿಗೆ ನೆರವಾಗುತ್ತಿರುವ ಶಾಹೀನ್‌ ಭಾಗ್‌ ನ ವಸೀಮ್‌ ಗ್ಯಾಸ್‌

ಹೊಸದಿಲ್ಲಿ: ಈಗಾಗಲೇ ರಾಷ್ಟ್ರ ರಾಜಧಾನಿಯಲ್ಲಿ ಕೋವಿಡ್‌ ಪರಿಸ್ಥಿತಿಯು ತಾರಕಕ್ಕೇರಿದೆ. ಆಸ್ಪತ್ರೆಗಳಲ್ಲಿ ಆಕ್ಸಿಜನ್‌ ಗಳ ಕೊರತೆ ಎದುರಾಗಿ ಹಲವಾರು ಮಂದಿ ಮೃತಪಟ್ಟಿದ್ದಾರೆ. ಈ ನಡುವೆ ದಿಲ್ಲಿಯ ಶಾಹಿನ್‌ ಭಾಗ್‌ ನಲ್ಲಿರುವ ಸಣ್ಣ ಎಸಿ ರಿಪೇರಿ ಅಂಗಡಿಯೊಂದು ಅವಶ್ಯಕತೆಯಿರುವವರಿಗೆ ಆಮ್ಲಜನಕ ತುಂಬಿಸಿ ನೀಡುತ್ತಿರುವ ಕುರಿತು ವರದಿ 

"ಶಾಹಿನ್‌ ಭಾಗ್‌ ನಲ್ಲಿ ನಮಗೆ ಒಟ್ಟು ಮೂರು ಎಸಿ ರಿಪೇರಿ ಅಂಗಡಿಗಳಿವೆ. ಬೇಸಿಗೆಯ ಸಂದರ್ಭ ನಾವು ನೈಟ್ರೋಜನ್‌ ಮತ್ತು ಆಕ್ಸಿಜನ್‌ ಅನ್ನು ನಮ್ಮ ಅಂಗಡಿಗಳಲ್ಲಿ ತುಂಬಿಸಿಟ್ಟಿರುತ್ತೇವೆ. ಇದು ಎಸಿಗಳನ್ನು ರಿಪೇರಿ ಮಾಡುವ ಸಂದರ್ಭದಲ್ಲಿ ಉಪಯೋಗಕ್ಕೆ ಬರುತ್ತದೆ" ಎಂದು ವಸೀಮ್‌ ಗ್ಯಾಸ್‌ ನ ಮಾಲಕ 30ರ ಹರೆಯದ ವಸೀಮ್‌ ಮಲಿಕ್‌ ಹೇಳುತ್ತಾರೆ.

ಕಳೆದ ವರ್ಷ ಕೋವಿಡ್‌ ಪ್ರಕರಣಗಳು ಹೆಚ್ಚಾದಾಗಲೇ ವಸೀಮ್‌ ಜನರಿಗೆ ಆಮ್ಲಜನಕ ಪೂರೈಕೆ ಮಾಡಲು ಪ್ರಾರಂಭಿಸಿದ್ದರು. "ಈ ಸಂದರ್ಭದಲ್ಲಿ ಹೆಚ್ಚಿನ ಬೇಡಿಕೆ ಇರಲಿಲ್ಲ. ಆದರೆ ಈ ವರ್ಷ ಮಾತ್ರ ಸಾವಿರಾರು ಜನರಿಂದ ಬೇಡಿಕೆಗಳ ಬರುತ್ತಿವೆ. ನಮ್ಮ ಅಂಗಡಿಯ ಫೋಟೊವನ್ನು ಸಮೀಪದಲ್ಲೇ ವಾಸಿಸುವ ಇಬ್ಬರು ಯುವಕರು ಟ್ವಿಟರ್‌ ನಲ್ಲಿ ಪ್ರಕಟಿಸಿದ ಬಳಿಕ ಇನ್ನೂ ಜನರು ಬರಲು ಆರಂಭಿಸಿದರು. ಆದರೆ ಸದ್ಯ ನಮ್ಮ ಬಳಿಯೂ ಆಕ್ಸಿಜನ್‌ ಮುಗಿಯುತ್ತಿದೆ ಎನ್ನುವುದು ದುರದೃಷ್ಟಕರ" ಎಂದು ವಸೀಮ್‌ ಹೇಳುತ್ತಾರೆ.

ಒಂದು ಆಕ್ಸಿಜನ್‌ ಸಿಲಿಂಡರ್‌ ಅನ್ನು ರಿಫಿಲ್‌ ಮಾಡಲು 100ರಿಂದ 130ರೂ. ದರ ನಿಗದಿಪಡಿಸಲಾಗುತ್ತಿದೆ. ಆದರೆ ಆಸ್ಪತ್ರೆಗಳು ಇದಕ್ಕಿಂತ ಎಷ್ಟೋ ಪಟ್ಟು ಹೆಚ್ಚಿನ ದರ ವಿಧಿಸುತ್ತದೆ ಎಂದು ತಿಳಿದು ಬಂದಿದೆ. ಸಾಮಾಜಿಕ ತಾಣದಿಂದ ಬೇಡಿಕೆಗಳು ಹೆಚ್ಚಾದ ಕೂಡಲೇ ವಸೀಮ್‌ ರ ಸಹೋದರ ಕೂಡಾ ಈ ಕಾರ್ಯದಲ್ಲಿ ಕೈ ಜೋಡಿಸಿದ್ದು, ದಿನದ 24 ಗಂಟೆಯೂ ಆಕ್ಸಿಜನ್‌ ಪೂರೈಕೆ ಮಾಡುತ್ತಿದ್ದಾರೆ. ವಸೀಮ್‌ ಹಗಲಿನ ವೇಳೆ ಕೆಲಸಕ್ಕೆ ನಿಂತರೆ ಅವರ ಸಹೋದರ ಝುಬೈರ್‌ ರಾತ್ರಿಯ ವೇಳೆ ಕೆಲಸ ನಿರ್ವಹಿಸುತ್ತಿದ್ದಾರೆ. 

"ನನಗೆ ಅತೀ ಹೆಚ್ಚು ನೋವು ನೀಡುವ ಸಂಗತಿಯೆಂದರೆ, ಅತ್ಯವಶ್ಯಕವಾಗಿ ಆಕ್ಸಿಜನ್‌ ಬೇಕು ಎಂದು ನನ್ನ ಬಳಿ ಬಂದು ಬೇಡಿಕೆಯಿಡುವವರಿಗೆ, ಆಕ್ಸಿಜನ್‌ ಖಾಲಿಯಾಗಿದೆ ಎಂದು ಹೇಳುವುದಾಗಿದೆ. ಇದಕ್ಕಿಂತ ನೋವಿನ ಸಂಗತಿ ಬೇರಿಲ್ಲ ಎಂದು ವಸೀಮ್‌ ಹೇಳಿದ್ದಾಗಿ ವರದಿ ತಿಳಿಸಿದೆ.



SHARE THIS

Author:

0 التعليقات: