Friday, 5 March 2021

ಛತ್ತೀಸ್ ಗಢ: ಐಇಡಿ ಸ್ಫೋಟ, ಐಟಿಬಿಪಿ ಯೋಧ ಹುತಾತ್ಮ


ಛತ್ತೀಸ್ ಗಢ: ಐಇಡಿ ಸ್ಫೋಟ, ಐಟಿಬಿಪಿ ಯೋಧ ಹುತಾತ್ಮ

ನವದೆಹಲಿ: ಛತ್ತೀಸ್ ಗಢದ ನಕ್ಸಲ್ ಪೀಡಿತ ನಾರಾಯಣಪುರ ಜಿಲ್ಲೆಯಲ್ಲಿ ಶುಕ್ರವಾರ ಐಇಡಿ ಸ್ಫೋಟಗೊಂಡು ಐಟಿಬಿಪಿ ಯೋಧರೊಬ್ಬರು ಹುತಾತ್ಮರಾಗಿದ್ದಾರೆ ಎಂದು ಅಧಿಕಾರಿಯೊಬ್ಬರು ಹೇಳಿದ್ದಾರೆ.

ಜಿಲ್ಲೆಯ ಕೊಹ್ಕಮೆಟಾ ಪ್ರದೇಶದಲ್ಲಿ ಮಾವೋವಾದಿಗಳು ನಡೆಸಿದ ಐಇಡಿ ಸ್ಫೋಟದಿಂದ ಐಟಿಬಿಪಿ 53ನೇ ಬೆಟಾಲಿಯನ್ ನ ಹೆಡ್ ಕಾನ್ಸ್ ಟೇಬಲ್ ರಾಮ್ಟರ್ ಮಂಗೇಶ್ ಮೃತಪಟ್ಟಿದ್ದಾರೆ.

ಸಂಜೆ 5 ಗಂಟೆ ಸುಮಾರಿನಲ್ಲಿ ಇಡೋ- ಟಿಬೆಟಿಯನ್ ಬಾರ್ಡರ್ ಪೊಲೀಸರ ತಂಡ ಕಾರ್ಯಾಚರಣೆಗಾಗಿ ಬಂದಾಗ ಈ ಘಟನೆ ನಡೆದಿದೆ. ಹುತಾತ್ಮ ಯೋಧ ಮಹಾರಾಷ್ಟ್ರದ ನಾಗ್ಪುರದವರು ಎಂದು ಅವರು ತಿಳಿಸಿದ್ದಾರೆ.

ದಾಂತೇವಾಡ ಜಿಲ್ಲೆಯಲ್ಲಿ ಗುರುವಾರ ನಕ್ಸಲೀಯರು ಐಇಡಿ ಸ್ಫೋಟಗೊಳಿಸಿದ್ದರಿಂದ ಛತ್ತೀಸ್ ಗಡ ಶಸಾಸ್ತ್ರ ಪಡೆಯ ಯೋಧರೊಬ್ಬರು ಹುತಾತ್ಮರಾಗಿದ್ದರು.



SHARE THIS

Author:

0 التعليقات: