Saturday, 30 January 2021

ಪ್ರತಿಭಟನಾನಿರತ ರೈತರ ಕುಡಿಯುವ ನೀರಿನ ಟ್ಯಾಂಕ್ ತಡೆದ ಪೊಲೀಸರು!

 

ಪ್ರತಿಭಟನಾನಿರತ ರೈತರ ಕುಡಿಯುವ ನೀರಿನ ಟ್ಯಾಂಕ್ ತಡೆದ ಪೊಲೀಸರು!

ಪಂಚಕುಲ, ಜ.31: ಸಿಂಘು ಗಡಿಯಲ್ಲಿ ಪ್ರತಿಭಟನೆ ನಡೆಸುತ್ತಿರುವ ರೈತರಿಗೆ ಕುಡಿಯುವ ನೀರು ಪೂರೈಸುವ ಟ್ಯಾಂಕರ್‌ಗಳನ್ನು ಕೂಡಾ ಪೊಲೀಸರು ತಡೆಯುತ್ತಿದ್ದಾರೆ ಎಂದು ಆಮ್ ಆದ್ಮಿ ಪಕ್ಷದ ಮುಖಂಡ ಮತ್ತು ದಿಲ್ಲಿ ಸಚಿವ ಸತ್ಯೇಂದ್ರ ಜೈನ್ ಗಂಭೀರ ಆರೋಪ ಮಾಡಿದ್ದಾರೆ.

"ಸಿಂಘು ಗಡಿಯಲ್ಲಿ ನೀರಿನ ಸಮಸ್ಯೆ ಬಗ್ಗೆ ರೈತರಿಂದ ನಮಗೆ ಕರೆ ಬರುತ್ತಿದೆ. ನಾನು ಸ್ವತಃ ಸ್ಥಳಕ್ಕೆ ಭೇಟಿ ನೀಡಿ ನೂರಾರು ಟ್ಯಾಂಕರ್ ನೀರನ್ನು ಅವರಿಗೆ ಕಳುಹಿಸಿದ್ದೇನೆ. ಆದರೆ ಬಿಜೆಪಿಯ ಸೂಚನೆಯಂತೆ ಈ ನೀರಿನ ಟ್ಯಾಂಕರ್‌ಗಳು ರೈತರನ್ನು ತಲುಪದಂತೆ ದಿಲ್ಲಿ ಪೊಲೀಸರು ತಡೆಯುತ್ತಿದ್ದಾರೆ" ಎಂದು ಅವರು ಆಪಾದಿಸಿದ್ದಾರೆ.

ಆಹಾರ ಧಾನ್ಯಗಳು, ಶೌಚಾಲಯ ಸ್ವಚ್ಛಗೊಳಿಸವ ಯಂತ್ರಗಳು ಮತ್ತು ವೈದ್ಯರನ್ನು ಕೂಡಾ ಪೊಲೀಸರು ತಡೆಯುತ್ತಿದ್ದು, ದಿಲ್ಲಿ ಸರಕಾರ ಪೂರೈಸುತ್ತಿರುವ ಈ ಸೌಲಭ್ಯಗಳು ರೈತರನ್ನು ತಲುಪದಂತೆ ತಡೆಯುತ್ತಿದ್ದಾರೆ ಎಂದು ಹೇಳಿದರು.

ಪ್ರತಿಭಟನಾ ಸ್ಥಳದಲ್ಲಿ ದೂರ ಸಂಪರ್ಕ ಸೇವೆಯನ್ನು ರದ್ದುಪಡಿಸಿರುವ, ರೈತರ ಮೇಲೆ ಅಶ್ರುವಾಯು ಮತ್ತು ಜಲಫಿರಂಗಿ ಪ್ರಯೋಗಿಸಿರುವ ಹರ್ಯಾಣ ಸರಕಾರದ ಕ್ರಮವನ್ನು ಸಚಿವರು ಕಟುವಾಗಿ ಟಿಕಿಸಿದರು.

"ಜೆಜೆಪಿ ಮತ್ತು ಖಟ್ಟರ್ ಸರಕಾರಗಳೆರಡೂ ರೈತರನ್ನು ದಮನಿಸುತ್ತಿವೆ. ನಾವು ರೈತರ ಜತೆ ಇದ್ದೇವೆ ಎಂದು ಅವರು ಹೇಳಿಕೊಳ್ಳುತ್ತಾರೆ. ಆದರೆ ಅದಕ್ಕೆ ವಿರುದ್ಧವಾದ್ದನ್ನು ಮಾಡುತ್ತಾರೆ. ಜೆಜೆಪಿ ರೈತರ ಮೇಲೆ ಅಶ್ರುವಾಯು ಮತ್ತು ಜಲಫಿರಂಗಿ ದಾಳಿ ನಡೆಸುವಂತೆ ಸೂಚಿಸುತ್ತಿದೆ" ಎಂದು ಹೇಳಿದರು.


SHARE THIS

Author:

0 التعليقات: