Friday, 1 January 2021

ಹೊಸ ವರ್ಷಾಚರಣೆ ವೇಳೆ ತೋಳದ ಮಾಸ್ಕ್​ ಧರಿಸಿ ಬೀದಿಯಲ್ಲಿ ಅಡ್ಡಾಡ್ತಿದ್ದ ವ್ಯಕ್ತಿ ಅರೆಸ್ಟ್​!


ಹೊಸ ವರ್ಷಾಚರಣೆ ವೇಳೆ ತೋಳದ ಮಾಸ್ಕ್​ ಧರಿಸಿ ಬೀದಿಯಲ್ಲಿ ಅಡ್ಡಾಡ್ತಿದ್ದ ವ್ಯಕ್ತಿ ಅರೆಸ್ಟ್​!

ಇಸ್ಲಮಾಬಾದ್​: ಸದ್ಯ ಪರಿಸ್ಥಿತಿಯಲ್ಲಿ ಮಾಸ್ಕ್​ ನಮ್ಮ ಜೀವನ ಅವಿಭಾಜ್ಯ ಅಂಗವಾಗಿದೆ. ಕರೊನಾ ವೈರಸ್​ನಿಂದ ತಪ್ಪಿಸಿಕೊಳ್ಳಲು ಇರುವ ಪರಿಣಾಮಕಾರಿ ಸಾಧನಗಳಲ್ಲಿ ಮಾಸ್ಕ್​ ಸಹ ಒಂದು. ಮ್ಯಾಚಿಂಗ್​ ಸೇರಿದಂತೆ ವಿವಿಧ ರೀತಿಯ ಮಾಸ್ಕ್​ಗಳನ್ನು ನೋಡಿದ್ದೇವೆ. ಆದರೆ, ಪಾಕಿಸ್ತಾನದ ಆಸಾಮಿಯೊಬ್ಬ ಧರಿಸಿದ್ದ ಮಾಸ್ಕ್​ ಇದೀಗ ಜಾಲತಾಣದಲ್ಲಿ ಸಂಚಲನ ಮೂಡಿಸಿದೆ.

ಪಾಕಿಸ್ತಾನ ಖೈಬರ್​-ಪಖ್ತುನ್ಖ್ವಾ ಪ್ರಾಂತ್ಯದ ಪೇಶಾವರ ಮೂಲದ ವ್ಯಕ್ತಿಯೊಬ್ಬ ಹೊಸ ವರ್ಷದ ಆಚರಣೆಯ ರಾತ್ರಿ ತೋಳದ ಮುಖದ ಮಾದರಿಯ ಮಾಸ್ಕ್ ಧರಿಸಿ ಸಾರ್ವಜನಿಕರಲ್ಲಿ ಭೀತಿ ಉಂಟು ಮಾಡಿದ ಪ್ರಸಂಗ ಜರುಗಿದೆ.

ಹೊಸ ವರ್ಷಾಚರಣೆಯಂದು ಜನರಲ್ಲಿ ಭಯ ಹುಟ್ಟಿಸಲೆಂದೇ ಮಾಸ್ಕ್​ ಧರಿಸಿದ್ದರಿಂದ ಆತನನ್ನು ಪಾಕ್​ ಪೊಲೀಸರು ಬಂಧಿಸಿದ್ದಾರೆ. ಬಂಧಿತ ವ್ಯಕ್ತಿಯ ಫೋಟೋವನ್ನು ಪಾಕಿಸ್ತಾನಿ ಪತ್ರಕರ್ತ ಒಮರ್​ ಆರ್​ ಖರೇಷಿ ಶೇರ್​ ಮಾಡಿಕೊಂಡಿದ್ದು, ಭಾರೀ ವೈರಲ್​ ಆಗಿದೆ.

ವಿಚಿತ್ರ ರೀತಿಯ ಮಾಸ್ಕ್​ ನೋಡಿದ ನೆಟ್ಟಿಗರು ಇದೀಗ ಜಾಲತಾಣದಲ್ಲಿ ಚರ್ಚೆಗೆ ಇಳಿದಿದ್ದಾರೆ. ಮಾಸ್ಕ್​ ನೋಡಲು ತುಂಬಾ ಭಯಾನಕವಾಗಿದೆ ಎಂದು ಕೆಲವರು ಹೇಳಿದರೆ, ತೋಳವನ್ನು ನೋಡಿ ಬಹುಶಃ ಕರೊನಾವೂ ಹತ್ತಿರ ಸುಳಿಯುವುದಿಲ್ಲವೇನೋ ಎಂದು ಇನ್ನು ಕೆಲವರು ನಗೆಚಟಾಕಿ ಹಾಕಿಸಿದ್ದಾರೆ. ಯಾವುದೇ ಮಾಸ್ಕ್​ ಧರಿಸಿ ಆದ್ರೆ ಕರೊನಾ ಬಗ್ಗೆ ಎಚ್ಚರಿಕೆ ಇರಲೆಂದು ಅನೇಕರು ಸಲಹೆ ನೀಡಿದ್ದಾರೆ.


SHARE THIS

Author:

0 التعليقات: