Wednesday, 23 December 2020

ರಾಜ್ಯಾದ್ಯಂತ ನೈಟ್​ ಕರ್ಫ್ಯೂ: ಪ್ರಯಾಣಿಕರೇ ಎಚ್ಚರ ಬಸ್​ ಇರಲ್ಲ


 ರಾಜ್ಯಾದ್ಯಂತ ನೈಟ್​ ಕರ್ಫ್ಯೂ: ಪ್ರಯಾಣಿಕರೇ ಎಚ್ಚರ ಬಸ್​ ಇರಲ್ಲ

ಬೆಂಗಳೂರು: ಪ್ರಯಾಣಿಕರೇ ಎಚ್ಚರ, ರಾತ್ರಿ 10 ಗಂಟೆಯೊಳಗೆ ಮನೆ ಸೇರಿಕೊಳ್ಳೋಕೆ ರೆಡಿಯಾಗಿದೆ. ಹೊಸ ರೂಪಾಂತರ ಕರೊನಾ ಸೋಂಕಿನ ಭೀತಿ ಹಿನ್ನೆಲೆಯಲ್ಲಿ ಇಂದಿನಿಂದ(ಡಿ.23) ಜ.2ರ ವರೆಗೆ ನೈಟ್​ ಕರ್ಫ್ಯೂ ಜಾರಿಯಲ್ಲಿದ್ದು, ತುರ್ತು ಸೇವೆಗಳನ್ನು ಹೊರತುಪಡಿಸಿ ಉಳಿದೆಲ್ಲ ಸೇವೆಯೂ ರಾತ್ರಿ 10ರಿಂದ ಬೆಳಗ್ಗೆ 6ರ ವರೆಗೆ ಬಂದ್ ಆಗಲಿದೆ.

ಬೆಂಗಳೂರಿನಲ್ಲಿ ಬಿಎಂಟಿಸಿ ಬಸ್​ ಸಂಚಾರವೂ ರಾತ್ರಿ 10ರ ಬಳಿಕ ಸ್ಥಗಿತಗೊಳ್ಳಲಿದೆ. ಈ ಕುರಿತು ಸುದ್ದಿಗಾರರೊಂದಿಗೆ ಮಾತನಾಡಿದ ಸಾರಿಗೆ ಸಚಿವ ಲಕ್ಷ್ಮಣ ಸವದಿ, ನೈಟ್​ ಕರ್ಫ್ಯೂ ಹಿನ್ನೆಲೆ ರಾತ್ರಿ ವೇಳೆ ಬಿಎಂಟಿಸಿ ಬಸ್​ ಬಂದ್​ ಆಗಲಿವೆ. ಆದರೆ ರಾತ್ರಿ ವೇಳೆ ಸಂಚರಿಸುವ ಇತರ ಬಸ್​ಗಳು ರಾತ್ರಿ 10ರೊಳಗೆ ಬೆಂಗಳೂರು ಬಿಡಬೇಕು. ಬೆಳಗ್ಗೆ 6 ಗಂಟೆಯೊಳಗೆ ನಿಗದಿತ ಸ್ಥಳ ತಲುಪುವಂತಿರಬೇಕು. ಸ್ವಲ್ಪ ಹೊತ್ತಿನಲ್ಲೇ ಮಾರ್ಗಸೂಚಿ ಕೈ ಸೇರಲಿದೆ. ಆ ನಂತರ ರೂಪುರೇಷೆ ಸಿದ್ಧಪಡಿಸಲಾಗುವುದು ಎಂದರು.

ಒಟ್ಟಿನಲ್ಲಿ ನ್ಯೂ ಇಯರ್​ ಮತ್ತು ಕ್ರಿಸ್​ಮಸ್​ ಆಚರಣೆಯ ಸಂಭ್ರಮದಲ್ಲಿದ್ದ ಬಹುತೇಕರಿಗೆ 'ಬ್ರಿಟನ್​' ಕರೊನಾ ನಿರಾಶೆ ಜತೆಗೆ ಆತಂಕವನ್ನೂ ಮೂಡಿಸಿದೆ. ಸಂಜೆ ವೇಳೆಗೆ ನೈಟ್​ ಕರ್ಫ್ಯೂ ಬಗ್ಗೆ ಸ್ಪಷ್ಟತೆ ಸಿಗಲಿದೆ.


SHARE THIS

Author:

0 التعليقات: