Sunday, 20 December 2020

ನೀರವ್ ಮೋದಿ ಸಹೋದರನ ವಿರುದ್ಧ 19 ಕೋಟಿ ವಂಚನೆ ಆರೋಪ


ನೀರವ್ ಮೋದಿ ಸಹೋದರನ ವಿರುದ್ಧ 19 ಕೋಟಿ ವಂಚನೆ ಆರೋಪ

ನ್ಯೂಯಾರ್ಕ್‌: ಮ್ಯಾನ್‌ಹಟನ್‌ನಲ್ಲಿನ ಕಂಪನಿಗೆ ವಂಚಿಸಿ,  19 ಕೋಟಿ (2.6 ದಶಲಕ್ಷ ಡಾಲರ್‌) ಮೌಲ್ಯದ ವಜ್ರ ಪಡೆದಿದ್ದಾರೆ ಎಂದು ನೀರವ್ ಮೋದಿ ಸಹೋದರ ನೇಹಲ್‌ ಮೋದಿ ವಿರುದ್ಧ ಆರೋಪ ಕೇಳಿ ಬಂದಿದೆ.

ಪಂಜಾಬ್ ನ್ಯಾಷನಲ್ ಬ್ಯಾಂಕಿಗೆ ವಂಚಿಸಿದ ಆರೋಪ ಎದುರಿಸುತ್ತಿರುವ ವಜ್ರ ವ್ಯಾಪಾರಿ ನೀರವ್ ಮೋದಿಯವರ ತಮ್ಮ 41 ವರ್ಷದ ನೇಹಲ್. ನೇಹಲ್‌ ವಿರುದ್ಧ ಇಲ್ಲಿನ ಸುಪ್ರೀಂಕೋರ್ಟ್‌ಗೆ ದೋಷಾರೋಪಪಟ್ಟಿ ಸಲ್ಲಿಸಲಾಗಿದೆ ಎಂದು ಮ್ಯಾನ್‌ಹಟ್ಟನ್‌ ಜಿಲ್ಲಾ ಅಟಾರ್ನಿ ವ್ಯಾನ್ಸ್‌ ಜೂನಿಯರ್ ಹೇಳಿದ್ದಾರೆ.

'ನೋಬಲ್‌ ಟೈಟಾನ್ ಹೋಲ್ಡಿಂಗ್ಸ್‌ ನ ಸದಸ್ಯರಾಗಿದ್ದ ನೇಹಲ್‌, 2015ರ ಮಾರ್ಚ್‌ನಿಂದ ಆಗಸ್ಟ್‌ ವರೆಗಿನ ಅವಧಿಯಲ್ಲಿ ಎಲ್‌ಎಲ್‌ಡಿ ಡೈಮಂಡ್ಸ್‌ ಎಂಬ ಕಂಪನಿಗೆ ನಕಲಿ ದಾಖಲೆಗಳನ್ನು ಸಲ್ಲಿಸಿ 19 ಕೋಟಿ ಮೌಲ್ಯದ ವಜ್ರಗಳನ್ನು ಪಡೆದಿದ್ದಾರೆ' ಎಂದು ಆರೋಪಿಸಲಾಗಿದೆ.



SHARE THIS

Author:

0 التعليقات: