Saturday, 21 November 2020

ಕೋವಿಡ್‌ನಿಂದ ದಕ್ಷಿಣ ಏಷ್ಯಾ ರಾಷ್ಟ್ರಗಳ ಮೇಲೆ ಆರ್ಥಿಕ ದುಷ್ಪರಿಣಾಮ

 



ಕೋವಿಡ್‌ನಿಂದ ದಕ್ಷಿಣ ಏಷ್ಯಾ ರಾಷ್ಟ್ರಗಳ ಮೇಲೆ ಆರ್ಥಿಕ ದುಷ್ಪರಿಣಾಮ

ವಾಷಿಂಗ್ಟನ್‌: ಕೋವಿಡ್‌ನಿಂದಾಗಿ ದಕ್ಷಿಣ ಏಷ್ಯಾ ರಾಷ್ಟ್ರಗಳ ಮೇಲೆ ಆರ್ಥಿಕ ದುಷ್ಪರಿಣಾಮ ಹೆಚ್ಚಾಗಿದೆ ಎಂಬುದು ಅಮೆರಿಕದ ಸಂಶೋಧನಾ ವರದಿಯೊಂದರಿಂದ ತಿಳಿದುಬಂದಿದೆ.

ಪಾಕಿಸ್ತಾನದ ಹುಸೇನ್‌ ಹಕ್ಕಾನಿ ಹಾಗೂ ಅಪರ್ಣ ಪಾಂಡೆ ಅವರು ಜಂಟಿಯಾಗಿ ಹೊರ ತಂದಿರುವ 'ನೈನ್‌ ಮಂಥ್ಸ್‌ ಆಫ್‌ ಕೋವಿಡ್‌-19: ದಿ ಇಂಪ್ಯಾಕ್ಟ್‌ ಆನ್‌ ಸೌತ್‌ ಏಷ್ಯಾ' ಹೆಸರಿನ 30 ಪುಟಗಳ ವರದಿಯನ್ನು ಹಡ್ಸನ್‌ ಇನ್‌ಸ್ಟಿಟ್ಯೂಟ್‌ ಥಿಂಕ್‌-ಟ್ಯಾಂಕ್‌ ಶುಕ್ರವಾರ ಪ್ರಕಟಿಸಿದೆ.

'ಕೋವಿಡ್‌ ಕಾಲದಲ್ಲಿ ದಕ್ಷಿಣ ಏಷ್ಯಾ ರಾಷ್ಟ್ರಗಳು ಎದುರಿಸುತ್ತಿರುವ ಆರೋಗ್ಯ ಸವಾಲುಗಳಿಗಿಂತಲೂ ಈ ರಾಷ್ಟ್ರಗಳ ಮೇಲೆ ಉಂಟಾಗಿರುವ ಆರ್ಥಿಕ ದುಷ್ಪರಿಣಾಮ ಅಧಿಕವಾಗಿದೆ. ಈ ಸಾಂಕ್ರಾಮಿಕ ರೋಗವನ್ನು ಒಂದೊಂದು ರಾಷ್ಟ್ರವು ಒಂದೊಂದು ಬಗೆಯಲ್ಲಿ ಎದುರಿಸಿವೆ. ಈ ರಾಷ್ಟ್ರಗಳಲ್ಲಿ ವಾಸಿಸುವ ಜನರ ಪೈಕಿ ಬಹುತೇಕರು ಬಡತನ ರೇಖೆಗಿಂತ ಕೆಳಗಿದ್ದಾರೆ. ಈ ರಾಷ್ಟ್ರಗಳಲ್ಲಿ ಸರಿಯಾದ ಮೂಲ ಸೌಕರ್ಯಗಳೂ ಇಲ್ಲ' ಎಂದು ಹುಸೇನ್‌ ಹೇಳಿದ್ದಾರೆ.

'ಪಾಕಿಸ್ತಾನವು ಅಚ್ಚರಿಯ ರೀತಿಯಲ್ಲಿ ಕೊರೊನಾ ಸೋಂಕನ್ನು ನಿಯಂತ್ರಿಸಿತ್ತು. ಈ ದೇಶದಲ್ಲಿ ಮತ್ತೆ ಸೋಂಕು ಹರಡುವ ಅಪಾಯವಿದೆ. ಕೊರೊನಾದಿಂದಾಗಿ ಶ್ರೀಲಂಕಾದಲ್ಲಿ ಸಾಲದ ಬಿಕ್ಕಟ್ಟು ಉಲ್ಬಣಿಸಿದೆ. ಬಾಂಗ್ಲಾದೇಶ ಕೂಡ ಆರ್ಥಿಕ ಸಂಕಷ್ಟ ಎದುರಿಸುತ್ತಿದೆ' ಎಂದೂ ವರದಿಯಲ್ಲಿ ಉಲ್ಲೇಖಿಸಲಾಗಿದೆ.


SHARE THIS

Author:

0 التعليقات: