Saturday, 10 October 2020

ಐಪಿಎಲ್ 2020: 37 ರನ್ ಗಳಿಂದ ಚೆನೈ ಸೂಪರ್ ಕಿಂಗ್ಸ್ ಅನ್ನು ಬಗ್ಗು ಬಡಿದ ಆರ್ ಸಿಬಿ


ಐಪಿಎಲ್ 2020: 37 ರನ್ ಗಳಿಂದ ಚೆನೈ ಸೂಪರ್ ಕಿಂಗ್ಸ್ ಅನ್ನು ಬಗ್ಗು ಬಡಿದ ಆರ್ ಸಿಬಿ


ದುಬೈ: ಚೆನ್ನೈ ಸೂಪರ್ ಕಿಂಗ್ಸ್ ಹಾಗೂ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಗಳ ನಡುವೆ ನಡೆದ ಹಣಾಹಣಿಯಲ್ಲಿ ಬೆಂಗಳೂರು ತಂಡ 37 ರನ್​ಗಳ ಭರ್ಜರಿ ಜಯ ಸಾಧಿಸಿತು.


ಹಾಲಿ ವರ್ಷದ ಟೂರ್ನಿಯಲ್ಲಿ ಇದು ಆರ್ ಸಿಬಿಗೆ 4ನೇ ಜಯವಾಗಿದೆ. ಕೊಹ್ಲಿ ಪಡೆ ನೀಡಿದ 170 ರನ್‌ಗಳ ಗುರಿಯನ್ನು ಬೆನ್ನು ಹತ್ತಿದ ಮಹೇಂದ್ರ ಸಿಂಗ್ ಧೋನಿ ಪಡೆ ನಿಗದಿತ 20 ಓವರ್ ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 132 ರನ್ ಗಳನ್ನಷ್ಟೇ ಗಳಿಸಲು ಶಕ್ತವಾಯಿತು. ಆ ಮೂಲಕ 37 ರನ್ ಗಳ ಅಂತರದಲ್ಲಿ ಹೀನಾಯ ಸೋಲು ಕಂಡಿತು. ಆರ್ ಸಿಬಿ ನೀಡಿದ ಸವಾಲಿನ ಗುರಿಯನ್ನು ಬೆನ್ನು ಹತ್ತಿದ ಸಿಎಸ್ ಕೆ ಆರಂಭಿಕ ಆಘಾತ ಎದುರಿಸಿತು. 8ರನ್ ಗಳಿಸಿದ ಡುಪ್ಲೆಸಿಸ್ ವಾಷಿಂಗ್ಟನ್ ಸುಂದರ್ ಗೆ ವಿಕೆಟ್ ಒಪ್ಪಿಸಿದರು. ಬಳಿಕ ಶೇನ್ ವಾಟ್ಸನ್ ಕೂಡ 14ರನ್ ಗಳಿಸಿ ವಾಷಿಂಗ್ಟನ್ ಸುಂದರ್ ಗೆ ಕ್ಲೀನ್ ಬೋಲ್ಡ್ ಆದರು. 


5 ಓವರ್‌ಗಳಲ್ಲಿ 6 ವಿಕೆಟ್‌

ಚೆನ್ನೈ ಸೂಪರ್‌ ಕಿಂಗ್ಸ್‌ ತಂಡ 15 ರಿಂದ 20 ಓವರ್‌ಗಳಲ್ಲಿ 43 ರನ್‌ ಗಳಿಸಿ ಒಟ್ಟು 6 ವಿಕೆಟ್‌ಗಳನ್ನು ಕಳೆದುಕೊಂಡಿತು. ಸೈನಿ ಎಸೆದ 15ನೇ ಓವರ್‌ನಲ್ಲಿ ಜಗದೀಶನ್‌ ರನೌಟ್‌ ಅದರೆ, ಚಾಹಲ್‌ ಹಾಕಿದ 16 ಧೊನಿ ಔಟಾದರು. ಕ್ರಿಸ್‌ ಮೋರಿಸ್‌ ಹಾಕಿದ 17ನೇ ಓವರ್‌ನಲ್ಲಿ ಸ್ಯಾಮ್ ಕರನ್‌ ಮತ್ತು ಇಸುರು ಉದಾನ ಎಸೆದ 18ನೇ ಓವರ್‌ ಅಂಬಟಿ ರಾಯುಡು ವಿಕೆಟ್‌ ಒಪ್ಪಿಸಿದರು. ಕ್ರಿಸ್‌ ಮೋರಿಸ್‌ ಬೌಲ್‌ ಮಾಡಿದ 19ನೇ ಓವರ್‌ನಲ್ಲಿ ರವೀಂದ್ರ ಜಡೇಜಾ ಮತ್ತು ಡ್ವೇನ್‌ ಬ್ರಾವೋ ಔಟಾದರು. ಅಂತಿಮವಾಗಿ ಚೆನ್ನೈ ತಂಡ 8 ವಿಕೆಟ್ ನಷ್ಟಕ್ಕೆ 132 ರನ್ ಗಳನ್ನಷ್ಟೇ ಗಳಿಸಲು ಶಕ್ತವಾಯಿತು.


SHARE THIS

Author:

0 التعليقات: