Saturday, 12 September 2020

ಕೃಷ್ಣ-ಗೋದಾವರಿ ಬೇಸಿನ್‌ನಲ್ಲಿ ಬೃಹತ್ ಪ್ರಮಾಣದ ಮಿಥೇನ್ ಹೈಡ್ರೇಟ್‌ ಪತ್ತೆ


ಹೊಸದಿಲ್ಲಿ: ಕೃಷ್ಣ-ಗೋದಾವರಿ ಜಲಾನಯನ ಪ್ರದೇಶವು ಶುದ್ಧ ಇಂಧನ ಮೂಲವಾದ ಮಿಥೇನ್‌ ಹೈಡ್ರೇಟ್‌ನ ಬೃಹತ್‌ ಸಂಗ್ರಹವನ್ನು ತನ್ನ ಒಡಲಲ್ಲಿ ಇಟ್ಟುಕೊಂಡಿದೆ ಎಂದು ಸರಕಾರದ ವಿಜ್ಞಾನ ಮತ್ತು ತಂತ್ರಜ್ಞಾನ ಇಲಾಖೆಯಡಿ ಕಾರ್ಯನಿರ್ವಹಿಸುತ್ತಿರುವ ಅಗರ್‌ಕರ್‌ ಸಂಶೋಧನಾ ಸಂಸ್ಥೆಯ ಅಧ್ಯಯನ ತಿಳಿಸಿದೆ.
 


ಸಂಸ್ಥೆಯ ಅಧ್ಯಯನ ವರದಿ ಮರೀನ್‌ ಜಿನೋಮಿಕ್ಸ್‌’ ಜರ್ನಲ್‌ನಲ್ಲಿ ಪ್ರಕಟಗೊಂಡಿದೆ. "ಶುದ್ಧ ಇಂಧನದ ಸಮೃದ್ಧ ಮೂಲವೆನಿಸಿರುವ ಮಿಥೇನ್‌ ಹೈಡ್ರೇಟ್‌ನ ಬೃಹತ್‌ ಸಂಗ್ರಹ ಸರಕಾರದ ಪಾಲಿಗೆ ವರವೆನಿಸಿದೆ. ಇದನ್ನು ಸಂಸ್ಕರಿಸಿ ಹೊರ ತೆಗೆಯುವ ಪ್ರಕ್ರಿಯೆ ಅಗ್ಗವಾಗಿದ್ದು ಆರ್ಥಿಕವಾಗಿ ಲಾಭದಾಯಕವಾಗಿದೆ. ಈ ಇಂಧನ ಬಳಕೆ ಪರಿಸರ ದೃಷ್ಟಿಯಿಂದಲೂ ಉತ್ತಮವಾಗಿದೆ. ಇಲ್ಲಿ ಒಂದು ಘನ ಮಿಥೇನ್‌ ಹೈಡ್ರೇಟ್‌ 160 ರಿಂದ 180 ಕ್ಯೂಬಿಕ್‌ ಮೀಟರ್‌ನಷ್ಟು ಮಿಥೇನ್ ‌ಅನ್ನು ಹೊಂದಿದೆ,’’ ಎಂದು ಅಧ್ಯಯನತಿಳಿಸಿದೆ.


ಕೃಷ್ಣಾ-ಗೋದಾವರಿ ಕೊಳ್ಳದಲ್ಲಿರುವ ಮಿಥೇನ್‌ ಹೈಡ್ರೇಟ್‌ನಲ್ಲಿರುವ ಮಿಥೇನ್‌ ಕಡಿಮೆ ಎಂದರೂ ವಿಶ್ವಾದ್ಯಂತ ಲಭ್ಯವಿರುವ ಎಲ್ಲ ಪಳೆಯುಳಿಕೆ ಇಂಧನ (ಫಾಸಿಲ್‌ ಫ್ಯೂಯೆಲ್‌) ನಿಕ್ಷೇಪಗಳಿಗಿಂತ ಎರಡು ಪಟ್ಟು ಅಧಿಕ ಪ್ರಮಾಣದಷ್ಟಿದೆ ಎಂದು ಪುಣೆ ಮೂಲದ ಸಂಸ್ಥೆಯ ಅಧ್ಯಯನ ತಿಳಿಸಿದೆ.

 



SHARE THIS

Author:

0 التعليقات: