Thursday, 17 September 2020

ಆರಾಧನಾ ಕೇಂದ್ರಗಳಲ್ಲಿ ' ಪ್ರಸಾದ'ದ ರೂಪದಲ್ಲಿ ಗಾಂಜಾ ಬಳಕೆ ?

 


ಆರಾಧನಾ ಕೇಂದ್ರಗಳಲ್ಲಿ ' ಪ್ರಸಾದ'ದ ರೂಪದಲ್ಲಿ ಗಾಂಜಾ ಬಳಕೆ ?

ಬೆಂಗಳೂರು , ಸೆ . 15 : ರಾಜ್ಯದಲ್ಲಿ ಮಾದಕ ವಸ್ತುಗಳ ( ಗಾಂಜಾ ) ಜಾಲದಲ್ಲಿ ಚಿತ್ರ ನಟಿಯರು , ಕೆಲ ರಾಜಕೀಯ ಮುಖಂಡರ ಹೆಸರುಗಳು ಕೇಳಿ ಬರುತ್ತಿವೆ . ಈ ಮಧ್ಯ ಸೂಫಿ , ಸಿದ್ಧ , ಅವಧೂತ ಪರಂಪರೆಯ ಕೆಲ ಸೌಹಾರ್ದ ತಾಣಗಳು , ಕೆಲ ದೇವಸ್ಥಾನಗಳ ಜಾತ್ರೆಗಳಲ್ಲಿ ಬೈರಾಗಿಗಳು , ಸಾಧು - ಸಂತರು ಸೇರಿದಂತೆ ಕೆಲಭಕ್ತರು ' ನಿಷೇಧದ ನಡುವೆಯೂ ಗಾಂಜಾವನ್ನು ಪ್ರಸಾದದ ರೂಪದಲ್ಲಿ ಬಳಕೆ ಮಾಡುವ ಪರಿಪಾಠ ಇಂದಿಗೂ ಚಾಲ್ತಿಯಲ್ಲಿದೆ . ರಾಜ್ಯದ ಅತ್ಯಂತ ಪುರಾತನ ಮತ್ತು ಪ್ರಸಿದ್ಧವಾಗಿರುವ ಸೂಫಿ , ಅವಧೂತ , ನಾಥ , ಸಿದರು ಸೇರಿದಂತೆ ಶರಣ ಚಳವಳಿಯ ಮುಂದುವರಿದ ಭಾಗವಾಗಿರುವ ಹಲವು ಶ್ರದ್ಯಾ ಕೇಂದ್ರಗಳು , ಆರಾಧನಾ ಸ್ಥಳಗಳಲ್ಲಿ ದೇವಸ್ಕಾನಗಳಲ್ಲಿ ಕಲ ಸಾಧಕರು ಭಂಗಿ ಸೊಪ್ಪು ( ಗಾಂಜಾ ) ನ್ನು ಬಳಕೆ ಮಾಡುತ್ತಿದ್ದರು ಎಂದು ಹೇಳಲಾಗುತ್ತದೆ . ಹಾವೇರಿ ಜಿಲ್ಲೆಯ ' ಮೈಲಾರ ಲಿಂಗನ ಕಾರ್ಣಿಕ'ಕ್ಕೆ ಬರುವ ಗೊರವಯ್ಯಗಳು , ಕೊಡೇಕಲ್ ಬಸವಣ್ಣ , ಬಳ್ಳಾರಿಯ ಸಿಳಗುರಿಕೆ , ಯಾದಗಿರಿ ಜಿಲ್ಲೆಯ ಸುರಪುರ ತಾಲೂಕಿನ ತಿಂತಿಣಿ ಮೌನೇಶ್ವರ ದೇವಳಕ್ಕೆ ಆಗಮಿಸುವ ಸಾಧುಗಳು , ಮಂಡ್ಯ ಜಿಲ್ಲೆ ಮಳವಳ್ಳಿ ತಾಲೂಕಿನ ಚಿಕ್ಕಲ್ಲೂರು ಸಿದ್ದಪಾಜಿ - ಮಂಟೇಸ್ವಾಮಿ ಜಾತ್ರೆ , ಚಾಮರಾಜನಗರ ಕೊಳ್ಳೇಗಾಲ ತಾಲೂಕಿನ ಮಲೆಮಹದೇಶ್ವರನ ಕೆಲ ಭಕ್ತಾಧಿಗಳು , ಅವಧೂತ ಪರಂಪರೆಯ ಸಿದ್ಧಾರೂಢ ಮಠದ ಸಾಧು - ಸಂತರು , ಚಿತ್ರದುರ್ಗ ಜಿಲ್ಲೆ ಕೊಳಾಳು ಗ್ರಾಮದಲ್ಲಿರುವ ಕೆಂಚಾವಧೂತನ ಆರಾಧಕರು , ಅದೇ ಜಿಲ್ಲೆ ಚಳ್ಳಕೆರೆ ತಾಲೂಕಿನ ಪವಾಡ ಪುರುಷನೆಂಬ ನಂಬಿಕೆಯುಳ್ಳ ತಿಪ್ಪೇರುದ್ರ ಸ್ವಾಮಿ ದೇವಸ್ಥಾನದಲ್ಲಿ ನಡೆದುಕೊಳ್ಳುವ ಕೆಟ್ಟ ಜಂಗಮರು - ಸಾಧುಗಳ ಗಾಂಜಾ ಸೇವನೆ ಗುಟ್ಟಿನ ಸಂಗತಿಯೇನಲ್ಲ . ಆದರೆ , ಈ ಸಾಧು , ಸಂತರು , ಭಕ್ತರು ಹಾಗೂ ಭೈರಾಗಿಗಳಿಗೆ ' ಗಾಂಜಾ ' ಎಲ್ಲಿಂದ ಬರುತ್ತದೆ ಎಂಬುದು ನಿಗೂಢವಾಗಿದೆ . ಕೆಲವು ಕಡೆಗಳು ಈ ಸಾಧು - ಸಂತರು ಕಾಡು - ಮೇಡುಗಳಲ್ಲಿ ಗಾಂಜಾದ ಬೀಜಗಳನ್ನು ಎಸೆದು ಬೆಳೆದ ಗಾಂಜಾ ಗಿಡಗಳನ್ನು ತಮಗೆ ಬೇಕಾದಾಗ ಕಿತ್ತು ತಂದು ಅದರ ಸೊಪ್ಪನ್ನು ಬಳಕೆ ಮಾಡುತ್ತಾರೆಂದು ಹೇಳಲಾಗುತ್ತದೆ . ಮೈಲಾರ ಲಿಂಗನ ಭಕ್ತರು ` ದೇವರಿಗೆ ಅರ್ಪಿಸಲು ಒಂದೆರಡು ಗಾಂಜಾ ಗಿಡಗಳನ್ನು ಬೆಳೆದರೆ ತಪ್ಪೇನಿಲ್ಲ ' ಎಂಬ ನಂಬಿಕೆ ಇಂದಿಗೂ ಭಕ್ತರಲ್ಲಿದೆ ಎಂದು ಮೂಲಗಳು ತಿಳಿಸಿವೆ .


SHARE THIS

Author:

0 التعليقات: