Wednesday, 16 September 2020

ಮೋದಿ ಬರ್ಥ್‌ಡೇ ಕೇಕ್:700 ಅಡಿ ಉದ್ದ , 7000 ಕೆಜಿ ತೂಕ

 


ಮೋದಿ ಬರ್ಥ್‌ಡೇ ಕೇಕ್:700 ಅಡಿ ಉದ್ದ , 7000 ಕೆಜಿ ತೂಕ


ಸೂರತ್‌: ಪ್ರಧಾನಿ ನರೇಂದ್ರ ಮೋದಿ ಇಂದು ( 17 ಸೆಪ್ಟೆಂಬರ್‌) 69ನೇ ವಸಂತಕ್ಕೆ ಕಾಲಿಡುತ್ತಿದ್ದು, ಹುಟ್ಟುಹಬ್ಬವನ್ನು ಅದ್ದೂರಿಯಾಗಿ ಆಚರಿಸಲು ಸೂರತ್‌ನ ಬೇಕರಿಂದು ಬೃಹತ್‌ ಕೇಕ್‌ ತಯಾರಿಸಿದೆ. ಬರೋಬ್ಬ್ರರಿ 700 ಅಡಿ ಉದ್ದದ ಹಾಗೂ 7000 ಕೆಜಿ ತೂಕದ ಬೃಹತ್ ಕೇಕ್‌ ಇದಾಗಿದ್ದು, ನಗರದ 700 ಮಂದಿ ಪ್ರಾಮಾಣಿಕ ವ್ಯಕ್ತಿಗಳು ಈ ಕೇಕನ್ನು ಕತ್ತರಿಸಲಿದ್ದಾರೆ. ಈ ಕುರಿತು ಸೂರತ್‌ನ ಬ್ರೆಡ್‌ಲೈನರ್‌ ಬೇಕರಿಯ ಮಾಲೀಕರು ತಿಳಿಸಿದ್ದಾರೆ.

ಸೂರತ್‌ನ ಬ್ರೆಡ್‌ಲೈನರ್‌ ಬೇಕರಿಯು ಪ್ರತಿವರ್ಷವೂ ಮೋದಿ ಜನ್ಮದಿನಕ್ಕೆ ಬೃಹತ್‌ ಕೇಕ್‌ ತಯಾರಿಸುವ ಸಂಪ್ರದಾಯ ನಡೆಸಿಕೊಂಡು ಬಂದಿದೆ. ತಯಾರಿಸಿದ ಬೃಹತ್‌ ಕೇಕನ್ನು ಬಡ ಮಕ್ಕಳಿಗೆ ಹಂಚುತ್ತದೆ. ಈ ಬಾರಿ "ಭ್ರಷ್ಟಾಚಾರ' ಘೋಷವಾಕ್ಯದೊಂದಿಗೆ ಬೃಹತ್‌ ಕೇಕ್‌ ತಯಾರಿಸುತ್ತಿದೆ. ಈ ಕೇಕ್‌ ವಿಶ್ವದಾಖಲೆ ಬರೆಯಲಿದ್ದು, ಮತ್ತು ಭ್ರಷ್ಟಾಚಾರ ಮುಕ್ತ ಭಾರತ ನಿರ್ಮಾಣಕ್ಕೆ ಜಾಗೃತಿ ಮೂಡಿಸಲಿದೆ ಎಂದು ಭೆಕರಿಯ ಕೇಕ್‌ ತಯಾರಕರಾದ ನಿತಿನ್‌ ಪಟೇಲ್‌ ಹೇಳಿದ್ದಾರೆ.


ಸೂರತ್‌ನ ಮತ್ತೊಂದು ಬೇಕರಿಯಾದ ಅತುಲ್‌ ಬೇಕರಿಯು ಬಡಕಟ್ಟು ಪ್ರದೇಶಗಳಲ್ಲಿರುವ ಸುಮಾರು 370 ಶಾಲೆಗಳ 12,000 ಮಕ್ಕಳಿಗೆ ಆಹಾರ ಪೊಟ್ಟಣಗಳನ್ನು ವಿತರಿಸುವುದಾಗಿ ಘೋಷಣೆ ಮಾಡಿದೆ. ಅಪೌಷ್ಟಿಕತೆ ಮುಕ್ತ ಭಾರತ ನಿರ್ಮಾಣ ನಮ್ಮ ಪ್ರಧಾನಿಯ ಗುರಿಯಾಗಿದೆ. ಅವರ ಕನಸಿನ ಸಾಕಾರಕ್ಕೆ ನಮ್ಮದೊಂದು ಅಳಿಲು ಸೇವೆ ಎಂದು ಅತುಲ್‌ ಬೇಕರಿ ಮಾಲೀಕ ಅತುಲ್‌ ವೆಕಾರಿಯಾ ತಿಳಿಸಿದ್ದಾರೆ.


SHARE THIS

Author:

0 التعليقات: